Va prestame poner equí dalgunes de les munches semeyes que faigo nes mios caminates. Nun pretendo describir rutes nin dar conseyos sobre'l meyor camín pa faceles. N'Internet hai abondo d'eses informaciones y lo único que diba conseguir ye confundir.
De toes formes toi abiertu a responder a les entrugues que faiga daquién interesáu en dalgún de los mios paseos.
Fadré una introducción de caúna de les rutes.

jueves, 1 de noviembre de 2012

Per Cabrales

            Martes, 23 d’ochobre de 2012

 

     Poncebos - Bulnes – Trenosa – Sotres  – Tielvi – Poncebos

     Un guapu, fácil  y entreteníu camín circular col que podemos disfrutar del impresionante paisaxe que ta presente en tolos requexos d’esti conceyu.

     De toes formes de la manera que yo lu fixi tien dalgunos inconvenientes qu’otres persones de xuru que nun los alcuentren.




La primera parte del recorríu ye per guapa y les vistes nun tienen desperdiciu: Canal del Texu, Bulnes, dempués dexando a la izquierda los invernales d’Arnandes y los murallones de Peña Maín vemos en tou  momentu  Los Albos, el Neverón y…l’Urriellu. Y echando de cuando en cuando una güeyada pa tras casi siempre tenemos a la vista’l barriu’l Castiellu o Bulnes d’Arriba.




     Dende Pandébanu pa baxo enseguidina empezamos a tener una guapa vista de Sotres. Y empiecen los inconvenientes que yo encontré y qu’esti día fueron abondo: un cachu bonu de pista y otru curiosu d’asfaltu hasta llegar a Sotres.
     Lo que ven los nuesos güeyos sigue siendo perguapo: el pueblu, praos, pequeños fayeos que yá empiecen a tener esi color inigualable que trae la seronda, los invernales del Texu… Pero ye que patiar por pistes o asfaltu pa min  nun ye lo mesmo y esa ye la torga.
     En dalgún momento había pensao baxar a Tielvi faciendo la sienda del monte Camba pero paicióme muncho y dende’l altu’l pueblu baxé pol antiguu camín hasta Tielvi. Axustándose a lo que ye real el senderu acaba na riega Secudia, casi dos kilómetros antes del pueblu.
     D’aquí pa baxo yá tenía decidío dir pela carretera porque méteme mieu la baxada a la central de Poncebos dende’l antiguu camín. Total 10 ó 12 km de pista y asfaltu que son los inconvenientes de los que falaba. (Coses de la edá).
     De toes maneres prestóme en forma la caminata.




     (Aprovechando que’l Cares pasa per Cabrales préstame poner equí'l conocíu dichu qu’hai que contar a tolos que llamen Naranjo de Bulnes a l’Urriellu: “Nun me llaméis Naranxu, que frutu nun pueo dar, llamaime picu Urriellu que ye’l mio nome natural”).

1 comentario:

  1. Vaya Arturo, bonito recorrido, sin duda. Tendrías que haberte animado a bajar hasta Poncebos desde Tielve por el camín viejo. Créeme que la bajada hasta la central de Poncebos no ye nada peligrosa, pero desde abajo sí que puede parecer que sea otra cosa.
    La bajé en mayo, lloviendo, y las zetas casi desaparecidas del camín hacen que esa pendiente tan pronunciada se baje cómodamente.
    Bueno, ya tienes otro seguidor más. Me viene bien para seguir conociendo más el bable.
    Un saludo.

    ResponderEliminar