Va prestame poner equí dalgunes de les munches semeyes que faigo nes mios caminates. Nun pretendo describir rutes nin dar conseyos sobre'l meyor camín pa faceles. N'Internet hai abondo d'eses informaciones y lo único que diba conseguir ye confundir.
De toes formes toi abiertu a responder a les entrugues que faiga daquién interesáu en dalgún de los mios paseos.
Fadré una introducción de caúna de les rutes.

martes, 11 de diciembre de 2012

Les Casuques - Fariu - Cuatro Xueces

        Domingu, 9 d'avientu de 2012      Les Casuques - Ilesia vieya de la Collá - Ceñal - El Pevidal - Fariu - Cuatro Xueces (Dir y Venir).

       Ye raro que a lo llargo'l añu nun vaya dos o tres veces al Fariu y Cuatro Xueces. Ye una patiada guapa y si se tien suerte col clima siempre paga la pena. Amás, según el tiempu que se tenga, pue facese un paseín de seis o siete kilómetros dende'l altu Fumarea o una caminata de cerca venti si dexamos el coche en Vega Sariegu y travesamos la xerra La Llomba. Hai munches más posibilidaes. Estes suelen ser  les que yo faigo.

        Por embargu, la patiada del domingu, diba más de diez años que nun la facía y prestóme. Ye'l  P.R. AS - 161 col añadíu de unos cuatro kilómetros primero a les mines y  a lo último a la peña Cuatro Xueces.
        A tolo que se disfruta coles vistes qu'hai dende'l cordal del Fariu hai que axunta-y lo que topamos dende Les Casuques al picu.
        Merez la pena patiar pela pequeña viesca que topamos al poco empezar el camín. Nun mos deceiciona deviamos unos cientos de metros de la sienda pa ver los restos de les mines de fluorita. Y, por supuestu, hai que conocer los restos de la ilesia vieya de la Collá y el texu de más de quinientos años que tien a la vera.
        En resume un paséu peraconseyable.
       
        (Pa llegar a Les Casuques pue dise pela carretera de La Pola a Xixón y poco dempués del altu Muncó hai una desviación a mandrecha que pon Ordiales. Menos d'un kilómetro y tamos nel iniciu la sienda.)
  

2 comentarios:

  1. Hola Arturo, guapa ruta y el Texu..impresionante..y no tién la fama de otros...Da gusto que se conserven sanos. Un abrazu.

    ResponderEliminar
  2. Podía haber dejado comentarios en todos y cada uno de tus paseos pero donde más me presta es dejarlo aquí, a los pies de ese tejo que me ha maravillado.
    Gracias por seguirme y un saludo.
    Ah!! te sigo también y con mucho aagrado.

    ResponderEliminar