Domingu, 2 de xunu de 2012 Aparcamientu Les Xanes - Sienda Les Xanes - Pedroveya - Dosango - Peña Rei - Sienda Valdolayés - Aparcamientu Les Xanes.
"El que volviendo a facer el camín vieyu apriende'l nuevu, pue considerase un maestru."
Confucio.
Dalgo de lo que diz Confucio pasóme nesti paséu. Salí de casa cerca les once, cola intención de volver ente les dos y les tres, como ye la mio costume, nos fines de selmana.
El casu ye qu'un cambiu imprevistu nel itinerariu allargólu un poco, de mou y manera que llegué a casa cerca les cuatro.
El guapu recorríu pel pequeñu Cares, como llamen dalgunos a esta sienda, ye un recursu p'andar que, por cercanía, polo curtio del recorríu y por la so guapura faigo n'abondes ocasiones. Sin dir más lloñe l'añu pasáu patielu tres veces.
A midida que soi más vieyu improviso con más fácilidá. D'esta miente cuado subía con direición a Pedroveya, agüeyando pa la xerra que ta enriba Dosangu y que forma la paré izquierda de la sienda, decidí que tenía que subir pa ver les guapes vistes que me paicía que ofrecería.
Col determín yá tomáu, namai salir del pueblu, en llugar de baxar pela carretera siguiendo les señales del PR, entamé a patiar per un bon camín qu'hai a manzorga y que va al depósitu d'agua. N'adelantre faese un poco más malu y cada vez más estrechu pero, sin pérdiga posible, llévamos a lo más alto de la modesta xerra y a la so cume, Peña Rey.
Dempués de que los mios güeyos disfrutasen col guapu panorama siguí un poco en direición oeste pa entamar a baxar a un camín que pasa al llau de la llagunina que lleva'l nome de la peña. Dende equí, nun sin dalguna dificultá, culazu incluyíu, baxé a la sienda Valdolayés p'acabar el camín como siempre acostumbraba.
Esti foi pa min un descubrimientu que nun me fixo un maestru pero si que consiguió que disfrutare más qu'otres veces.
"El que volviendo a facer el camín vieyu apriende'l nuevu, pue considerase un maestru."
Confucio.
Dalgo de lo que diz Confucio pasóme nesti paséu. Salí de casa cerca les once, cola intención de volver ente les dos y les tres, como ye la mio costume, nos fines de selmana.
El casu ye qu'un cambiu imprevistu nel itinerariu allargólu un poco, de mou y manera que llegué a casa cerca les cuatro.
El guapu recorríu pel pequeñu Cares, como llamen dalgunos a esta sienda, ye un recursu p'andar que, por cercanía, polo curtio del recorríu y por la so guapura faigo n'abondes ocasiones. Sin dir más lloñe l'añu pasáu patielu tres veces.
A midida que soi más vieyu improviso con más fácilidá. D'esta miente cuado subía con direición a Pedroveya, agüeyando pa la xerra que ta enriba Dosangu y que forma la paré izquierda de la sienda, decidí que tenía que subir pa ver les guapes vistes que me paicía que ofrecería.
Col determín yá tomáu, namai salir del pueblu, en llugar de baxar pela carretera siguiendo les señales del PR, entamé a patiar per un bon camín qu'hai a manzorga y que va al depósitu d'agua. N'adelantre faese un poco más malu y cada vez más estrechu pero, sin pérdiga posible, llévamos a lo más alto de la modesta xerra y a la so cume, Peña Rey.
Dempués de que los mios güeyos disfrutasen col guapu panorama siguí un poco en direición oeste pa entamar a baxar a un camín que pasa al llau de la llagunina que lleva'l nome de la peña. Dende equí, nun sin dalguna dificultá, culazu incluyíu, baxé a la sienda Valdolayés p'acabar el camín como siempre acostumbraba.
Esti foi pa min un descubrimientu que nun me fixo un maestru pero si que consiguió que disfrutare más qu'otres veces.
Esi recorriu fícelu yo va un par d´años. La de vegaes que xubiría les Xanes y nun conocía Peña Rei. Ye un cumal modestu pero guapu abondo.
ResponderEliminarUn saludu
Hola Arturo, Pues a mí, la verdá ye que nunca se me ocurrió facéla y agora ya me metisteis la gana ´n cuerpu. Viendo les fotos, dan ganes de salir a patiala. Un abrazu.
ResponderEliminarPues nun conozo tampocu la Peña Rei... la última vegada que xubí Las Xanas, acabé na Mostayal, pero nun me dió nunca por xubir ehí.
ResponderEliminarTien que tener mui guapes vistes del valle'l Trubia y de la foz de las Xanas... guapa alternativa pa otra vegada.
Un abrazu
Arturo, fai enforma tiempu que nun faigo esa ruta y viendo les tos semeyes éntrenme ganes, asina que una tarde diré volver a percorrela. Bien guapes les semeyes. Un saludu.
ResponderEliminar